Әдістеме

Алматы облысы, Жамбыл ауданы, Сұраншы батыр ауылындағы орта мектебінде,
2022 жылдың 20 қазан күні мектеп мұғалімдеріне әдістемелік көмек көрсету мақсатында,
мектеп әкімшілігінің сұранысымен Жамбыл аудандық Білім бөлімі әдістемелік кабинетінің әдіскерлері С.Аденова, А. Сатова, Г.Апиева, А.Сатылғанова, А.Келимбаева және аудандық ассоциация мүшелері әдістемелік көмек көрсетті. Әдістемелік күнде барлық пән мұғалімдері өзара сабақтарға қатысу арқылы тәжірибе алмасып, тиімді кері байланыс алды. Сонымен бірге әдіскерлердің шеберлік сабақтарына қатыса отыра, сабақты жоспарлау мен қалыптастырушы бағалауды жүргізудің тиімді тәсілдерін оқып үйренді. Әдістемелік күн өткізе отырып, мұғалімдерге кәсіби қолдау көрсетіліп, өзара сұхбат арқылы алдағы жұмыстар жоспарланды.
Әдістемелік күнді аудандық білім бөлімінің әдістемелік кабинеттің меңгерушісі Аденова Салтанат Сәбетовна қорытындылап, мектеп ұжымы мен мектеп директоры А.Кайынбаеваға әдістемелік қолдау көрсетілетінін және үнемі серіктестіктік арқылы тығыз байланыста болатындығына сенімін білдірді.