30
ноябрь
2022
Онкүндік 29.11.2022ж
Сұраншы батыр ауылындағы орта мектебі, "Мұрагер" ӘБ онкүндігі аясында 7-сыныптар арасында дебат ойындары өтті. Дебаттың алғашқы жартылай финалы 24.11 күні "Ақылды болу мен жақсы оқу бір нәрсе емес" деген қарармен британдық формат бойынша өткізілді, дебатка 4 топ қатысты. Төрешілердің шешімі бойынша, финалға екі топ шықты. Дебаттың қорытынды ойыны 29.11 күні "Спортпен шұғылданудан дебат ойнаған тиімдірек" атты қарармен жүргізілді. Нәтижесінде, 7 "Б"сынып оқушылары Алпысбай Айзере мен Қайсар Қайнар өздерінің дәл аргументтері, шешендіктерінің арқасында 1-орын иеленді. 2-топта Әбілбек Жалғас пен Әлхан Айша жақсы өнер көрсетті. Сондай-ақ, "Үздік спикер", "Үздік лидер" номинациясы бойынша жеке оқушылар бағаланды. Дебат ойындары оқушылардың интеллектуалдық, шығармашылық, зерттеу, дамытушылық, қабілеттерін дамытып, шешендік дағдыларын қалыптастыратыны белгілі. Дебатты Турганова Айгул мен Бердикенова Гаухар өткізді.